Norbert Tauer

Norbert Tauer
Irudi gehiago
Bizitza
Jaiotza	Pilsen, 1898ko ekainaren 6a
Herrialdea	Txekoslovakia
Heriotza	Praga, 1983ko urtarrilaren 28a (84 urte)
Hezkuntza
Hizkuntzak	txekiera alemana euskara
Jarduerak
Jarduerak	idazlea, hizkuntzalaria eta diplomazialaria
Kidetza	Euskaltzaindia Eusko Ikaskuntza

Norbert Tauer (Pilsen, 1898ko ekainaren 6a - Praga, 1983ko urtarrilaren 28a) txekiar euskalari eta idazlea izan zen.

Biografia

Merkataritza-ikasketak egin zituen Pragan, eta hiri hartako udalean aritu zen lanean, diplomazia-zerbitzuan. 1919-1939 bitartean, Madrilen egon zen, Txekoslovakiako diplomazia-ordezkari. Hogei urte zituela etorri zen lehen aldiz Euskal Herrira, eta euskara ikasten hasi zen. Euskarazko lehen artikulua Argia aldizkarian argitaratu zuen, 1928an. Txekoslovakian ere idatzi zuen euskaldunei buruz Národní obzor aldizkarian, esaterako: Baskové (1936, Euskaldunak) eta Baskičtina a její dnešní situace (1965, Euskara eta euskararen oraingo egoera) artikuluak. 1968an, Pragan, Slovník spisovatelů. Španělsko Portugalsko (Espainiako eta Portugaleko idazleen hiztegia) liburua argitaratu zen. Hura izan zen bere lanik garrantzitsuena. Euskaraz ere asko idatzi zuen, Euzko Deya, Olerti, Karmel, Egan, Gernika, Euskaltzaleak, Umeen Deya aldizkarietan, besteak beste. 1962an, omenaldi gisa, Argentinako euskaltzaleek Taueren euskal idazki batzuk bildu eta Nere idazkiak izenburupean argitaratu zizkioten. Gutun-truke jakingarririk izan zuen, bestalde, gerra ondoko hainbat euskal idazlerekin. Euskaltzaindiko ohorezko kidea izan zen.

Obra

Bere idazkiak, Editorial Vasca Ekin, 1962, 84 or.
Národní obzor
Baskové (1936, Euskaldunak)
Baskičtina a její dnešní situace (1965, Euskara eta euskararen oraingo egoera).
Slovník spisovatelů. Španelsko Portugalsko (Espainiako eta Portugaleko idazleen hiztegia)

Bibliografia

Norbert Tauer (1898-1983), Jose Mari Satrustegi, Eusko Jaurlaritzaren Argitalpen Zerbitzu Nagusia, 2003, 24 orrialde.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Autoritate kontrola	Wikimedia proiektuak Datuak: Q3343521 Multimedia: Norbert Tauer / Q3343521 Identifikadoreak WorldCat VIAF: 210075377 ISNI: 0000000358623916 BNE: XX5170779 BNF: 155981401 (data) SUDOC: 078705266 Hiztegiak eta entziklopediak Auñamendi: 139177 Lur: 05569/eu_t_0396/t0396